2 Kommuneleiing - Stab, kultur, service og næring

Kommuneleiing og stab omhandlar tenesteområda 1200 – 1260 som er kommunedirektør, kommunalsjefar og stabsfunksjonar.

Staben skal levere tidsrette støttefunksjonar i samsvar med krav og forventningar som er stilt til kommunen si kjerneverksemd og strategiske satsingar. Arbeidsopppgåver er blant anna planlegging, støtte, oppfølging og styring. Dette omfattar blant anna oppgåver knytt til kvalitet og internkontroll, beredskap, fellesfunksjonar, økonomiforvaltning og personalforvaltning.

Eininga kultur, service og næring er ny. Den vart etablert i stab i 2021 og skal tilrettelegge for politiske og administrative avgjerdsprosessar, verksemdstyring, analyse og utgreiingsarbeid. Eininga har også ansvar for kulturarbeidet i Giske, dette gjeld bibliotek, frivilligsentral, kulturminnearbeid, friluftsliv og samhandling med lag og organisasjonar. Informasjonsarbeid og fellesfunksjonar som post og arkiv, oppfølging av avtalen med Ålesund knytt til landbruk, samt viltforvaltning er også ein del av den nye eininga. Det næringsretta arbeidet til kommunen samt etableringsstøtte/hoppid blir også fulgt opp her. I tillegg kjem oppfølging av avtale om kjøp av IKT og brukarstøtte frå Ålesund kommune.

• Etablere effektiv organisering, støtte og tenestenivå som er tilpassa redusert bemanning og trange økonomiske rammer, dette inneber blant anna tydeleg prioritering mellom arbeidsoppgåver, forventingsavklaring, og ikkje minst sikring av tvillingkompetanse slik at viktige funksjonar vert levert ved eventuell sjukdom, ferie og anna fråvær.
• Implementering av nye digitale verkty, opplæring og størst muleg gevinstrealisering.
• Sikre trivsel og godt arbeidsmiljø – systematisk HMS-arbeid
• Systematisk informasjonsarbeid, rett utvikling av heimeside, intranett og bruk av sosiale medier.
• Tilrettelegge for døgnopen forvaltning ved å betre innbyggardialogen slik at innbyggarane kan vere sjølvhjelpte uavhengig av arbeidstid

• Implementering av prosjektet «Omstilling av fellesfunksjonar i Giske kommune». Ny organisering og arbeidsfordeling mellom stab og linjeorganisasjon skal iverksetjast.
• Etablere eit styrka systematisk arbeidsmiljø og HMS arbeid.
• Utarbeiding og implementering av arbeidsgivarpolitisk dokument og leiarutvikling.
• Vidare fokus på rapporteringsarbeid og bistand til einingane i budsjett og økonomiarbeidet.