6 Barn, familie og helse

Eining barn, familie og helse yter tenester innan ramme 6. Eininga gir følgjande tenester til barn, unge og familiar: legetenesta, kvardagsrehabilitering, fysio/ergo, logoped, psykisk helseteam barn og unge, PPT, barnevernteneste, hjelpemiddellager, helsestasjon, jordmorteneste og skulehelseteneste, tildelingskontoret, flyktningtenesta og introduksjonsprogram.

Oppvekstreforma/barnevernsreforma vert gjeldande frå 1.1.2022. Dei mest krevjande oppgåvene i reforma ligg til barnevernstenesta med nytt ansvar for institusjon og fosterheim, ut over det ligg reforma til heile organisasjonen å følgje opp. Det krev mellom anna tett samarbeid mellom ei rekke tenester. Kommunestatestikken viser at 28% av innbyggjarane i Giske kommune er mellom 0-20 år. Denne veksten påverker tenestene i eininga i særs stor grad. Tverrfagleg samarbeid er vektlagd. Det er framleis nasjonal satsing på helsestasjon, skulehelseteneste og jormortenesta. Desse tenestene søkjer vi tilskot til frå stat for å styrkje bemanninga. Psykisk helse og rus er også ei nasjonal satsing. Her kan vi mellom anna søkje tilskot til utviklingsprosjekt. Vidare er satsing og fokus på kvardagsrehabilitering og velferdsteknologi stor. Frå 2020 skal velferdsteknologi vere integrert i helse- og omsorgstenestene. Giske kommune har hatt stort fokus på dette sidan 2015 og har kome langt i arbeidet.

Giske kommune deltek i interkommunalt samarbeid og kjøper tenester hjå andre kommunar knytt til legevakt natt, barnevernvakt, krisesenter, overgrepsmottak og kjøp av tenester legesenter.

Årsak til auke frå budsjett frå 2021 til budsjett 2022 med kr 4,7 mill:

• Auke i utbetaling av basistilskot fastlegane og auke i kostnader kjøp av tenester med kr 1,5 mill. Basistilskotet vert delvis finansiert gjennom tilført midlar i ramma.
• Barnevernstenesta har ei auke med kr 3,2 mill. Giske kommune får tilført kr 2,8 mill for innføring av barnevernsreforma. Midlane vil ikkje kunne dekkje dei reelle kostnadane kommunen evt får til institusjonsplassering og arbeid knytt til fosterheimsplassering. Dette vert ein økonomisk risiko for Giske kommune i 2022. Grunnlag for utrekning av midlane er basert på innbyggjartal og brutto driftsutgifter i tenesta frå tidlegare år. Kommunen har halde driftskostnadane lave grunna den økonmiske situasjonen, dette får konsekvensar for overføringane frå staten til oppvekstreforma. Sjå kostratal lenger nede i dokumentet.

Driftstiltak:

• Barnevernsreforma/oppvekstreforma: ei auke i budsjettet med kr 2,8 mill.
• Ikkje innleige ved sjukefråvær og halde stillingar vakant om drifta tillet det. Kutt kr 1 mill.
• Effektiviseringstiltak, justering innan ramma. Kutt kr 1,1 mill.

• Eininga har kutta i fleire tenester med til saman 7,13 årsverk frå 2019 til 2021. Utfordringa blir å klare å levere lovpålagde tenester med denne reduksjonen. Ytterlegare kutt vil føre til at vi må legge ned tilbod og oppgåvene må eventuelt overførast til andre tenester. Tilbodet til brukarane vil bli redusert og mange vil ikkje få tilbod om tenester. Andre tenester innan organisasjonen får konsekvens av kutt i eininga, til dømes omsorg og oppvekst.
• Rekruttering av tilsette med naudsynt kompetanse, som må kunne løyse stadig fleire oppgåver i mindre fagmiljø.
• Oppgåver som blir overført frå Helseføretaket til kommunalt nivå, gjer at vi må yte meir spesialiserte oppgåver. Vi må yte meir til fleire.
• Digitalisering og å ta i bruk dei verktøya vi allereide har. Erstatte individuell oppfølging med digitale hjelpemiddel.
• Fastlegeordninga er i endring og rekruttering av fastlegar kan vere ei utfordring. Basistilskot til fastlegane auka i 2021. Denne vert ikkje fullt ut finansiert frå staten. Kommunen får difor ein kostnad knytt til dette i 2022.
• Levere lovpålagde tenester innan budsjettramma.
• Halde lovpålagde fristar i barnevernstenesta og PPT.
• Førebu arbeidet med å bygge opp naudsynte hjelpetiltak for å imøtekome krava i Barnevernsreforma som trer i kraft frå 2022.
• Nødvendige omstilingsprosessar skal gjennomførast med få leiarressursar. Omstillingsprosessar krev tett oppfølging og avdelingsleiarane må arbeide med omstilling og samstundes følgje opp brukarane