2 Kommuneleiing - Stab, kultur, service og næring

Kommuneleiing og stab omhandlar tenesteområda 1200 – 1260 som er kommunedirektør, kommunalsjefar og stabsfunksjonar. Nytt i 2021 er at eininga kultur, service og næring også høyrer til her. Eininga skal tilrettelegge for politiske og administrative avgjerdsprosessar, verksemdsstyring, analyse og utgreiingsarbeid.

Stab- og støttefunksjonane er knytt til planlegging, støtte, oppfølging og styring. Dette omfattar blant anna oppgåver knytt til økonomiforvaltning og personalforvaltning. I tillegg er overordna utgifter knytt til oppvekst og helse-, omsorgs- og sosialtenesta plassert her. Dette gjeld m.a løn, sjukefråværsregistrering- og rapportering, refusjonsarbeid og tilsetjingssaker.

Ny eining kultur, service og næring har blant anna ansvar for kulturarbeidet i Giske, med unntak av kulturskulen som er overført til Valderøy barneskule. Knytt til kulturarbeidet ligg blant anna bibliotek, frivilligsentral, kulturminnearbeid, friluftsliv og samhandling med lag og organisasjonar. Informasjonsarbeid og fellesfunksjoner som post og arkiv, oppfølging av avtalen med Ålesund knytt til landbruk, samt viltforvaltning er og ein del av den nye eininga. Det næringsretta arbeidet til kommunen som landbruk- og viltforvaltning samt etableringsstøtte/hoppid blir også utført i denne eininga.

Staben skal levere tidsrette støttefunksjonar i samsvar med krav og forventningar som er stilt til kommunen si kjerneverksemd og strategiske satsingar.

• Omstilling og tilpassing til endra rammevilkår, både økonomisk og teknologisk.
• Digitalisering og automatisering av administrative oppgåver og forenkling av prosedyrer og prosessar, og slik oppnå maksimal gevinstrealisering av innføring av nye digitale løysingar.
• Metodisk og systematisk informasjonsarbeid, utvikle heimesida og bruk av sosiale medier.
• Tilrettelegge for døgopen forvaltning ved å betre innbyggardialogen slik at innbyggarane i større grad kan vere sjølvhjelpte når det passar for dei uavhengig av opningstid.

• Implementering av prosjekt "Omstilling av fellesfunksjonar i Giske kommune".
• Forenkling og effektivisering av arbeidsprosessar gjennom digitalisering.
• Vidareutvikling av informasjons- og kommunikasjonskanalar.
• Internkontroll og kvalitetsarbeid.
• Arbeidsgivarpolitisk dokument.
• Gjennomgang og fornying av leiarplakat og leiaravtalar.