9 Teknisk

Dei fleste tenesteområda innan ramme 9 er budsjetterte innanfor regelverket for sjølvkost. For å få fram balansen i sjølvkost blir teknisk eining sitt budsjett presentert på ansvarsområda. Samla inntekter, utgifter og nettokostnad går fram av tabellen nedanfor. Overskot innan eit sjølvkostområde blir sett av til fond og underskot blir dekt med bruk av fond. Betalingssatsane er justerte jamfør eiga sak.

Områda som ikkje er sjølvfinansierande er eigedomsavdelinga, brannvern, regulering og grunnkjøp, opparbeiding av utbyggingsområde og veg/park. Plan er ikkje eit vedteke sjølvkostområde, men gebyra legg opp til auka dekningsgrad.

Dette er eit vedteke sjølvkostområde og med omstrukturering av satsane for gebyr frå 2021.

Eigedomsavdelinga er fordelt på ei rekkje tenestefunksjonar som dekkjer drift av alle kommunale bygg. Total ramme for 2021 er på kr 34 246 153. Av dette utgjer avskrivingar kr 23 555 640, det vil sei at der er kr 10 690 513 til drifta som skal dekkje utgifter til vaktmeister og reinhald i tillegg til kjøp av material, reinhaldsutstyr og andre drifsutgifter. I dette ligg det også kr 1 750 000 som skal gå til forsterka reinhald for første halvår 2021 på grunn av koronapandemien

Det er gjennomført innstrammingar gjennom reduksjon i tal på stillingar, unntaksvis bruk av vikar, mindre vedlikehald og reinhald. Når andre teneste treng meir areal, blir det stramma inn på allment reinhald, og ombyggingar gjer at vedlikehald også blir lågare prioritert. Robotar og digital styring må takast i bruk i åra som kjem for å oppnå vidare effektivisering og rasjonalisering.

Giske kommune har lagt ned eige brannvesen, og kjøper no tenesta frå Ålesund kommune.

Kommunen kjøper tenesta frå Ålesund kommune.

Lovpålagd teneste som ikkje er sjølfinansiert.

Vedteke sjølkostområde. Ny gebyrforskrift på høyring til iverksetting 01.01.2021.

Regulering skal vere sjølvfinansierande. Ny gebyrforskrift på høyring til iverksetting 01.01.2021.

Omlag 0,4 stillingar som arbeider på området.

Ansvarsområdet dekkjer drift av veganlegg, gatelys, gravferdsteneste, parkar og plassar. Dette er ikkje sjølvkost.

Drift og vedlikehald av vassforsyninga, som saman med avløp og reinsing, slamtømming og renovasjon blir regulert av eige lov- og regelverk, og skal drivast innanfor særavgifter, er sjølvfinansierande. Noko vatn blir kjøpt frå Ålesund kommune sidan dette er nytta som reservevassforsyning, og ein må ha kontinuerleg flyt av vatn i leidningane. Vidare er teneste 3400 Behandlingsanlegg og teneste 3450 Leidningsanlegg eigne tenesteområde under sjølvkost, der det er store investeringsbehov.

Slam og renovasjon blir kjøpt frå - og er administrert av ÅRIM. Vi legg satsane til ÅRIM til grunn.

• Drifte eigedomane effektivt med nye verktøy og færre folk, samstundes som vi må møte behova frå tenestene/brukarane
• Utskifting av vass- og avløpsledningar og utbygging av reinseanlegg i tråd med nasjonale føringar og ny hovudplan for vatn og avløp
• Komplekse byggesaker tek mykje ressursar og er krevjande
• Stort vedlikehaldsetterslep i kommunale bygg
• Enkelte føremålsbygg blir dårleg utnytta
• Det er utfordrande å oppnå jamn og stabil utleige - utleigebygg kan bli ståande tomme
• Fragmentert ansvar for utleigebygga (utleige, fakturering, vedlikehald, inngåing av husleigeavtalar). Har sett igang LEAN-prosess for å rydde opp i dette
• Vi treng ein forvaltningsplan for kommunal eigedom (kva skal vi eige og kva skal vi selje?)
• Byggesak - søkjarane må få hjelp til å bli sjølvhjelpte på heimesida. Ny nettside for området er i sluttfasen
• Byggesak må halde tidsfristane for å sikre inntektene og for å betre omdømmet til kommunen
• Plan - rullering av ny samfunnsdel og arealdel i 2021 og 2022
• Behov for å revidere og spisse samfunnsdelen av kommuneplanen slik at han blir eit styringsverktøy
• Det er stort behov for å sjå samanhengen i dei kommunale planane
• Planane må bli endå meir eit strategisk verktøy for drift og investeringar
• Gi god leiarstøtte slik at leiararne oppnår venta resultat /leveranse

• Planar som gir retning og er verktøy i enkeltsaker
• Forvalte kommunale bygg for å unngå vedlikehaldsetterslep og dårleg utnytting av bygga
• Forvaltningsplan for kommunal eigedom og bygg (strategisk vurdering av eigne eigedommar og bygg- kva skal vi behalde, kva skal vi selje- kopla opp mot stategiske dokument som bustadsosial handlingsplan, framtidig skule- og helsestruktur)
• Oppnå resultat gjennom god leiarstøtte og god personalpolitikk
• Strukturere og effektivisere arbeidsprosessane