4 Diverse tenesteområde

Dette området omhandlar tenester som ikkje naturleg høyrer inn under andre rammeområde, og omfattar fylgjande tenesteområde:

• Næring:
  • Kommunal beredskap,
  • Næringsliv og bedrifter: etableringar, samarbeid med næringslivet, utviklingsprosjekt
• Jordbruk
• Skogbruk
• Viltforvaltning
• Sosialtenester
  • Lov om sosiale tenester i NAV inngår i kommunen sitt samla velferdsansvar og omhandlar kommunale tenester og oppgåver som NAV Giske skal utføre og medverke i. Dei obligatoriske kommunale tenestene (minimumsløysinga) som inngår i NAV Giske er opplysning, råd og rettleiing (medrekna økonomisk rådgjeving), økonomisk stønad, mellombels bustad, individuell plan og kvalifiseringsprogrammet. Ut over minimumsløysinga deltek NAV Giske i Intro-programmet for flyktningar, som og er ei kommunal teneste, med arbeidsrelatert opplæring/bistand.

4.1. Spesielle utfordringar:

• Vidareutvikle samarbeidsfora mellom kommune og næringsliv med målsetting om å utvikle nye lokale arbeidsplassar.
• Sikre areal for næringsetablering
• Bygge opp att næringsfondet og tilføre det tilstrekkelege midlar for økonomisk støtte til oppstart av småbedrifter og prosjektretta næringssamarbeid
• Kulturlandskapet er utgjer ein svært stor del av kommunen og krev aktiv forvaltning. Føreseieleg arealforvaltning i samsvar med kommuneplanen sin arealdel.

4.2 Satsingsområder

• Strategisk næringsplan er retningsgjevande for arbeidet med næringssaker. Verkemiddel er bl.a. bruk av næringsfond , tilrettelegging av byggeklare næringsareal, deltaking i nettverk, prosjektsamarbeid.
• Gjennomføre synfaringar og gardsbesøk ved behandling av enkeltsaker i landbruksnemnda.
• Rullere kjerneplanen for landbruk
• Reforhandle avtalen om kjøp av landbrukstenester frå Nye Ålesund kommune

Tenestene vert tatt hand om av NAV Giske. Oppgåvene er til dels forankra i lov, som økonomisk sosialhjelp, og i nasjonale program som kvalifiseringsprogrammet. Desse er førande for kommunen sitt arbeid i høve grupper som treng særskild oppfølging. Giske kommune og NAV Giske har eit tett og godt samarbeid, vi ser at det gjer tenestene kvalitativt betre og heng betre saman. Kvalifiseringsprogrammet og kvalifiseringsstønad må sjåast i samanheng med økonomisk sosialhjelp. Kvalifiseringsprogrammet er regjeringa sitt viktigaste verkemiddel i kampen mot fattigdom. Målet med programmet er å fremje overgang til arbeid, sosial inkludering og aktiv deltaking i samfunnet ved hjelp av tettare og meir forplikta bistand og oppfølging, også i dei tilfella vegen fram kan vere relativ lang og usikker.

Teneste 2430, tilbod til personar med rusproblem, er flytta i si heilhet til ramme 7.

KOSTRA-tal syner at 1,5 % av innbyggjarene i Giske kommune var mottakarar av økonomisk sosialhjelp i 2018 og at utbetalingane ligg over 3 millionar lågare enn behovsjustert indeks. Altså at Giske kommune har berre litt over halvparten så store utbetalingar som levekårsforholda i kommunen tilseier.

4.6.1 Spesielle utfordringar:

• Ein ser ein trend i auke i utbetalingane innan økonomisk sosialhjelp
• arbeide med alternative tiltak for å halde budsjett innan økonomisk sosialhjelp
• 10 % ressurs til gjeldsrådgjeving og 20 % ressurs til flyktningar dekkjer ikkje det reelle ressursbehovet
• Endra statlege reglar vil føre til fleire brukarar som må ha sosialstønad og høgare kostnadar per brukar (mellom anna som følgje av høgare stønadssatsar)
• Fleire brukarar med meir komplekse gjeldsproblem
• Fleire brukarar skal inn i Kvalifiseringsprogrammet
• Auka tal brukarar med samansette utfordringar
• Imøtekome nye oppgåver og krav til tenesteutvikling
• Vedlikehalde og vidareutvikle samarbeidet mellom NAV og kommunen

4.6.2 Satsingsområde for tenestene 2420 til 2851

• Arbeide for å implementere Digitale innbyggertjenester - Sosiale tjenester i NAV (Digisos) for å betre kvaliteten og effektiviteten på sakshandsaminga ytterlegare etter Lov om sosiale tenester, frigi tid til ytterlegare fokus til sosialfagleg arbeid og kome raskare i gang med oppgåver som gjer brukarane sjølvhjelpte.
• Oppretthalde fokuset på konkrete og individuelle vurderingar i saksbehandlinga knytt til vedtak om økonomisk sosialhjelp, slik at nivået på KOSTRA-tala samanlikna med behovsjustert indeks vert oppretthalde.
• Oppretthalde fokus og satsing på gjeldsrådgjeving.
• Oppretthalde fokus og satsing på Kvalifiseringsprogrammet.
• Oppretthalde fokuset på vilkår om aktivitet (aktivitetsplikt) ved tildeling av økonomisk sosialhjelp