5 Oppvekst
Rammeområde 5 oppvekst omfattar barnehage, grunnskule og vaksenopplæring. Barnehagane og skulane i Giske kommune gir gode oppvekstvilkår for barn og unge. Vi har to kommunale barnehagar og fem grunnskular som alle er sjølvstendige resultateiningar. Det er skulefritidsordning – SFO – ved alle barneskulane. I tillegg har avdelinga ansvar for oppfølging og finansiering av seks private barnehagar. Spesialpedagogisk team har ansvaret for barn med behov for spesialpedagogiske tiltak i førskulealder.
5.2 Utfordringsbilete
- Lærarnormen krev auka lærarinnsats, om lag 4 årsverk meir i ordinær undervisning i 2019-20 enn i 2018-19.
- Fagfornyinga – nye læreplanar skal setjast i verk 2020
- Snarleg avklaring og eventuelt implementering av ny skulestruktur og struktur for leiing i skulen jf. igangsett utgreiingsarbeid
- Høgt tal på elevar med spesialundervisning og høgt tal på årsverk brukt til spesialundervisning går på bekostning av tilpassa opplæring og tidleg innsats. Oppfølging og iverksetjing av tiltak vedteke av kommunestyret.
- Vidareføre leiarprogrammet "To fram" i barnehagane i samarbeid med Sula kommune og Ringer i vann.
- Innføre programmet "På sporet" for elevar som står i fare for å utvikle lese- og skrivevanskar
- Vidare arbeid med digitalisering
- Vidareføre arbeidet med TALK-prosjektet, sosiale læreplanar for menneske med høgtfungerande autismespekterforstyrrelse.
5.3 Tenesteområde
Kjerneverksemd | Tal brukarar 2019 | Tal brukarar 2020 | Årsverk 2019 | Årsverk 2020 |
---|---|---|---|---|
Grunnskular * | 1 182 | 1 177 | 146 | 152 |
2 komm. bhg | 128 | 125 | 32 | |
6 priv. bhg | 448 | 452 | - | - |
Spesped bhg ** | 98 | |||
Norsk og samf. for innvandrarar *** | 21 | - | - | |
Grunnskule vaksne | 8 | 3 | - | - |
Administrasjon oppvekst | - | - | 3 | 3 |
** BASIL (Barnehagens Statistikk og Innrapporteringsløsning)
*** Giske kommune kjøper tenesta frå Folkeuniversitetet, og har difor ikkje eigne tilsette. Tal brukarar i 2020 er svært usikkert.
5.4 Årsverk
5.4 Barnehage
Dei to kommunale barnehagane har om lag 60 barn kvar, avhengig av samansetjing av barnegruppa. Vigra barnehage ligg på Roald og organiserer barna i tre avdelingar, medan Giske barnehage vart slått saman med Giske skule til eit oppvekstsenter i 2014. Giske har i dag fire avdelingar.
Nesten 8 av 10 barnehagebarn går i privat barnehage. Vi har to barnehagar med utvida formålsparagraf: Daggry barnehage på Valderøya og Tryggheim på Godøya. På Valderøya har barnehagekonsernet Gnist barnehager AS to barnehagar, Gnist Nordstrand og Gnist Sætra. Skjong barnehage og Myra barnehage er foreldreeigde.
Barn i barnehage | 2014 | 2015 | 2016 | 2017 | 2018 | 2019 |
---|---|---|---|---|---|---|
Kommunal | 116 | 117 | 125 | 124 | 128 | 126 |
Privat | 416 | 421 | 421 | 448 | 448 | 452 |
SUM | 532 | 538 | 546 | 572 | 576 | 578 |
5.5 Grunnskule
Giske kommune har i dag tre reine barneskular: Vigra skule,Valderøy barneskule og Giske oppvekstsenter avd. skule, ein kombinert skule (1-10) på Godøya og ein rein ungdomsskule (8-10) på Valderøya. I 2018 var kostnaden per elev 111.737 kroner. Landssnittet låg på 113.008 kroner, snittet for Møre og Romsdal var 116.706 kroner. Jf. Kostra
Giske kommune har har alltid vore langt framme når det gjeld digitalisering i skulesektoren. Vi har no innført nettbrett i skulen - alle elevane har kvart sitt nettbrett. I samband med dette vart det gjennomført eit grundig opplæringsprogram for både leiing og tilsette.
Gjennom prosjektet TALK fokuserer vi på elevar som er diagnostisert med ASF-H (Autismespekterforstyrrelse, høytfungerende, tidlegare Asperger syndrom). Dette prosjektet har gått i grunnskulen i fleire år, og har no også blitt rulla ut til barnehagane. Vi samarbeider også med helse og omsorgssektoren.
Lærarnormen er no innført. Frå hausten 2019 skal det vere maksimalt 15 elevar per lærar i 1.-4. trinn og maksimalt 20 elevar per lærar i 5.-10. trinn. Denne normen skal sikre at det blir rom for tidleg innsats overfor elevar som har behov for særskilt oppfølging. I statsbudsjettet får Giske om lag 2,4 mill. kroner til dette formålet.
Det er sett i verk eit arbeid for å redusere omfanget av spesialundervisninga. Ca. 12 % av elevane får spesialundervisning og 25,2 % av samla undervisningstimane blir brukt til spesialundervisning. Nasjonalt i fjor vart 22,4 % av alle undervisningstimar brukt til spesialundervisning.
Vigra skule og Valderøy ungdomskule har klare utbyggingsbehov, og Godøy skule har stort behov for oppgradering. Det mest prekære behovet er på Vigra. Det er gjort ei førebels utrekning av kostnadene ved tilbygg og oppgradering, men den økonomiske situasjonen kommunen er i, gjer at ei slik utbygging må setjast på vent.
Elevtalsutvikling | 2015-16 | 2016-17 | 2017-18 | 2018-19 | 2019-20 |
---|---|---|---|---|---|
Giske Oppvekstsenter | 88 | 88 | 92 | 83 | 82 |
Godøy skule | 180 | 186 | 174 | 190 | 199 |
Valderøy barneskule | 437 | 435 | 436 | 431 | 429 |
Valderøy ungdomsskule | 249 | 267 | 266 | 278 | 262 |
Vigra skule | 211 | 208 | 199 | 200 | 205 |
SUM | 1 165 | 1 184 | 1 167 | 1 182 | 1 177 |
5.6 Vaksenopplæring
Vaksenopplæring omfattar både norskopplæring og grunnskule og spesialundervisning på grunnskuleområdet for vaksne.
21 personar får for tida opplæring i norsk og samfunnskunnskap. 14 av desse er flyktningar, 7 er innvandrarar med rett og plikt til norskopplæring. Tenesta er kjøpt av Folkeuniversitetet, og undervisninga er lagt til gamle Valderøy barneskule.
Giske kommune har ikkje tilbod til arbeidsinnvandrarar frå EØS-området, som ikkje har rett på gratis opplæring og heller ikkje plikt til å ta norskopplæring. Desse blir vist til ei av nabokommunane våre som har tilbod til betalingselevar.
8 elevar får for tida grunnskuleopplæring for vaksne etter § 4 A-1 i opplæringslova. Denne tenesta blir kjøpt frå Hareid kommune og er lagt til Hareid ressurssenter. Deltakarar i grunnskuleopplæring har rett til gratis skuleskyss.
Utfyllande informasjon om skulesektoren er å finne i Skoleporten og i GSI (Grunnskolens Informasjonssystem).
Fokusområde | Mål | Måleindikator | Resultat 2018 | Resultatmål 2019 | Resultatmål 2020 |
---|---|---|---|---|---|
Brukarar | God kvalitet barnehage | Andel tilsette med barnehagelærar-utdanning | 32,39 % | 45,5 % | |
Andel tilsette med fagarbeidarutdanning | 20,45 % | ||||
Brukartilfredsheit totalt | |||||
God kvalitet skule | Grunnskulepoeng | 42,7 | 43 | 43 | |
Elevar på meistringsnivå 3-5, nasjonale prøver i lesing på 8. trinn (prosent) | 75,8 | 76 | 76 | ||
Elevar på meistringsnivå 3-5, nasjonale prøver i rekning på 8. trinn (prosent) | 68,0 | 70 | 70 | ||
Elevundersøking trivsel (skala 1-5) | 4,3 | 4,5 | 4,5 | ||
Medarbeidarar | Godt arbeidsmiljø og tilfredse medarbeidarar | Sjukefråvær eigenmeldt | 1,6 % | ||
Sjukefråvær legemeldt | 4,65 % | ||||
Økonomi | God økonomistyring | Avvik i % av vedtatt netto driftsramme | 8,13 % | ≤ 0 | ≤ 0 |