9 Teknisk

Dei fleste tenesteområda innan ramme 9 er budsjettert innanfor regelverket for sjølvkost. For å få fram balansen i sjølvkost blir teknisk eining sitt budsjett presentert på ansvarsområda. Samla inntekter, utgifter og nettokostnad går fram av tabellen nedanfor. Overskot innan eit sjølvkostområde blir sett av til fond og underskot blir dekt med bruk av fond. Betalingssatsane er heva for å få balanse (over 5 år) jamfør eiga sak.

Områda som ikkje er sjølvfinansierande er eigedomsavdelinga, brannvern, regulering og grunnkjøp, opparbeiding og utbyggingsområde og veg/park. Plan er ikkje eit vedteke sjølvkostområde men gebyra legg opp til auka dekningsgrad.

Dette er eit vedteke sjølvkostområde og med omstrukturering av satsane for gebyr frå 2020.

Eigedomsavdelinga er fordelt på ei rekkje tenestefunksjonar som dekkjer drift av alle kommunale bygg. Det er gjennomført innstrammingar gjennom reduksjon i tal på stillingar, unntaksvis bruk av vikar, mindre vedlikehald og reinhald. Når andre teneste treng meir areal, blir det stramma inn på allment reinhald og ombyggingar gjer at vedlikehald også lågare prioritert. Robotar og digital styring må takast i bruk i åra som kjem for å oppnå vidare effektivisering og rasjonalisering.

Giske kommune har felles brannvesen med Ålesund (DIB) og er underlagt deira drift, men med 27 eigne deltidstilsette brannmenn (0,8 stilling), eige utstyr og bilar. Grunna skjerpa krav til kompetanse aukar utgiftene kr 1 million årleg og og utskifting av leiande brannmenn medfører ein kostnad på kr. 1 million ekstra i 2019.

Kommunen kjøper tenesta med Ålesund.

Lovpålagd teneste som ikkje er sjølfinansiert.

Vedteke sjølkostområde og betalingssatsen vert sett ned med 15 % for 2020.

Regulering skal vere sjølvfinansierande. Betalingssatsen aukar med 40 % for å dekkje kostnadane.

Om lag 1,5 stillingar som arbeider på området, og 50 % stilling blir finansiert som ein del av utbyggingsprosjekt.

Ansvarsområdet dekkjer drift av veganlegg, gatelys, gravferdsteneste, parkar og plassar. Dette er ikkje sjølvkost.

Drift og vedlikehald av vassforsyninga, som saman med avløp og reinsing, slamtømming og renovasjon blir regulert av eige lov- og regelverk, og skal drivast innanfor særavgifter, sjølvfinansierande. Noko vatn blir kjøpt frå Ålesund fordi ein har nådd maksimal kapasitet på eige vassverk, og at ein har lekkasjar. Vidare er teneste 3400 Behandlingsanlegg og teneste 3450 Leidningsanlegg eigne tenesteområde under sjølvkost, der det er store investeringsbehov. Det er slik auke i gebyra:

Slam og renovasjon blir kjøpt frå - og er administrert av ÅRIM. Vi legg satsane til ÅRIM til grunn.

• Drifte eigedomane effektivt med nye verktøy og færre folk, samstundes som vi må møte behova frå tenestene/brukarane.
• Utskifting av vass- og avløpsledningar og utbygging av reinseanlegg i tråd med nasjonale føringar og ny hovudplan for vatn og avløp.
• Komplekse byggesaker tek mykje ressursar og er krevjande.
• Stort vedlikehaldsetterslep i kommunale bygg.
• Enkelte føremålsbygg blir dårleg utnytta.
• Det er utfordrande å oppnå jamn og stabil utleige - utleigebygg kan bli ståande tomme.
• Fragmentert ansvar for utleigebygga (utleige, fakturering, vedlikehald, inngåing av husleigeavtalar)
• Vi treng ein forvaltningsplan for kommunal eigedom (kva skal vi eige og kva skal vi selge).
• Vi må drifte meir systematisk kommunale vegar (asfaltering), fornying og utskifting av ledningsnett, samt lage system for å få fram behovet for framtidige investeringar (LEAN for prosjekt). https://www.nito.no/medlemsfordel/hva-er-lean/
• Byggesak - søkjarane må få hjelp til å bli sjølvhjelpte på heimesida.
• Byggesak må halde tidsfristane for å sikre inntektene og for å betre omdømmet til kommunen.
• Plan - ny planstrategi som vi skal arbeide etter dei neste 4 åra.
• Behov for å revidere og spisse samfunnsdelen av kommuneplanen slik at det blir eit styringsverktøy.
• Det er stort behov for å sjå samanhengen i dei kommunale planane.
• Planane må endå meir verte strategisk verktøy for drift og investeringar.
• Gi god leiarstøtte slik at leiararne oppnår venta resultat /leveranse.

• Planar som gir retning og er verktøy i enkeltsaker.
• Forvalte kommunale bygg for å unngå vedlikehaldsetterslep og dårleg utnytting av bygga.
• Forvaltningsplan for kommunal eigedom og bygg (strategisk vurdering av eigne eigedommar og bygg- kva skal vi behalde, kva skal vi selje- kobla opp mot stategiske dokument som bustadsosial handlingsplan, framtidig skule- og helsestruktur).
• Oppnå resultat gjennom god leiarstøtte og god personalpolitikk.
• Strukturerer og effektivisere arbeidsprosessane.