3.3 Personal og organisasjon

Giske kommune sine overordna målsetjingar er sunn kommuneøkonomi, struktur og tenestenivå som er tilpassa økonomiske rammer, godt samarbeid mellom politikk og administrasjon, og engasjerte og kompetente tilsette.

• Politisk og administrativ leiing skal gi klare mål for utvikling av tenestene og legge til rette for enkel og tydeleg rapportering. Mal for verksemdsplan og leiaravtale skal fornyast i 2020.
• Målet om ein sunn kommuneøkonomi inneber ein gjennomgang av og endringar i struktur og tenestenivå. I fyrste del av planperioden er strukturendringar innan oppvekst og helse og omsorg ei prioritert oppgåve. Dette gjeld også avklaring av forventningar til tenestenivået - dette skal i 2020 skje gjennom utarbeiding av tydelege serviceerklæringar.
  
• Rett organisering av stabsfunksjonen, og rett arbeidsdeling mellom stab og linje har betydning for velfungerande drift og gode tenester. Prosjektet "Omstilling av fellesfunksjonar i Giske kommune" skal avsluttast innan sommaren 2020.
• Tydeleg arbeidsgivarpolitikk har stor betydning for måloppnåing. Arbeidsgivarpolitikken skal gjennomgåast og fornyast i 2020. Dette gjeld også lønspolitisk plan. Tankegodset knytt til 10-faktor er eit viktig grunnlag for dette arbeidet.
  
• Staben og alle einingar skal i innan 2 år gjennomgå og fornye sine kompetanseplanar
• Kvalitet og internkontroll har stor betydning for økonomi og tenestekvalitet. I løpet av 2020 skal det innan eige budsjett etablerast ei stilling med dette som arbeidsfelt.
• Sunn økonomi og tenestekvalitet avheng av nærvær og flest mogleg tilsette som jobbar heiltid.
  • nærværsprosenten skal vere 94 % (i PAI-statistikken 92%).
  • av alle våre tilsette skal minst 50 % jobbe i full stilling.
    
    
• Giske kommune skal ha engasjerte og kompetente leiarar på alle nivå. I planperioden er følgjande tema satsingsområde når det gjeld leiarutvikling:

• Budsjettarbeid og økonomistyring
• Endrings og innovasjonsleiing - prosessleiing
• 10 faktor - mestringsorientert leiing
• Rekruttering
• HMS og handtering av personalsaker
• Forenkling og effektiviseringsarbeidet gjennom digitalisering skal halde fram. Fokus skal særleg vere på gevinstrealisering - hente ut effekten av digitale verktøy fullt ut.
• All utviklings- og omstillingsarbeid skal skje med reell medverknad frå dei tilsette og deira representantar. Fokus på partssamarbeidet skal haldast høgt.