2 Kommuneleiing - Stab, kultur, service og næring

Rammeområde 2 er delt mellom reine stabstenester og driftstenester. Det vert lagt vekt på digitalisering, samhandling og koordinering av oppgåver for å oppnå meir effektiv drift.

Kommuneleiing og stab omhandlar tenesteområda 1200 – 1260 (kostra funksjon 120) som er kommunedirektør, kommunalsjefar og stabsfunksjonar.

Staben skal levere tidsrette støttefunksjonar i samsvar med krav og forventningar som er stilt til kommunen si kjerneverksemd og strategiske satsingar. Arbeidsoppgåver er blant anna planlegging, støtte, oppfølging og styring. Dette omfattar blant anna oppgåver knytt til kvalitet og internkontroll, beredskap, fellesfunksjonar, økonomiforvaltning, arbeidsgivarpolitikk, løn og personalforvaltning.

Eininga kultur, service og næring skal saman med resten av staben tilrettelegge for politiske og administrative avgjerdsprosessar, verksemdstyring, analyse og utgreiingsarbeid. Eininga har også ansvar for kulturarbeidet i Giske, dette gjeld bibliotek, frivilligsentral, kulturminnearbeid, friluftsliv og samhandling med lag og organisasjonar. Informasjonsarbeid og fellesfunksjonar som post og arkiv, oppfølging av avtalen med Ålesund knytt til landbruk, samt viltforvaltning er også ein del av eininga. Det næringsretta arbeidet til kommunen samt etableringsstøtte/hoppid blir også fulgt opp her. I tillegg kjem oppfølging av avtale om kjøp av IKT og brukarstøtte frå eKommune samarbeidet.

Auken i budsjett frå 2023 til 2024 på 6 216 000 kroner kjem i hovudsak av:

• Administrativt personell er flytta frå oppvekst og helse til kultur, service og næring.
• Ny stilling som ungdomsarbeider
• Ny stilling som Controller
• Planlegger flytta frå Teknisk til Stab
• Pedagogisk rettleiar er flytta frå Ramme 5 Oppvekst til Ramme 2 Stab

• Levere lovpålagde tenester innanfor tilgjengelege økonomiske rammer.
• Etablere effektiv organisering, støtte og tenestenivå som er tilpassa bemanning og trange økonomiske rammer. Dette inneber blant anna tydeleg prioritering mellom arbeidsoppgåver, forventingsavklaring, og ikkje minst sikring av tvillingkompetanse slik at viktige funksjonar vert levert ved eventuell sjukdom, ferie og anna fråver.
• Svært pressa bemanningssituasjon kan gå utover fullverdig tenesteleveranse.
• Implementering av nye digitale verkty, opplæring og størst muleg gevinstrealisering.
• Finne rett organisering under rammeområda for betre samhandling.
• Øve på uforutsette beredskapshendingar.
• Sikre nødvendig kvalitet- og internkontroll i kommunen.
• Systematisk informasjonsarbeid, rett utvikling av heimeside, intranett og bruk av sosiale medier.
• Tilrettelegge for døgnopen forvaltning ved å betre innbyggardialogen slik at innbyggarane kan vere sjølvhjelpte uavhengig av arbeidstid.

• Framhaldande fokus på og oppfølging av systematisk HMS arbeid
  
• Sjukefråversarbeid frå A - Å i samarbeid med NAV og Bedriftshelsetenesta (BHT)
• Styrking av leiarkompetanse på budsjett- og økonomisk styring
• Oppfølging av tiltak i helse og omsorgssektoren for å imøtekome framtidas behov (Leanprosjekt)
• Tilrettelegging for nytt IKT-system for økonomi, løn og personal, nytt styringsverktøy
• Vurdere samarbeid med andre kommunar eller innkjøp av tenester av sentrale stabsfunksjonar som er sårbare i dag (løn, rekneskap, arkiv m.m)
• Framhaldande fokus på kvalitet og internkontroll
• Framhaldande fokus på beredskapsarbeid
• Kontinuerleg forbetringsarbeid